“Go Mongolia” Үндэсний брэнд "Edelman" групптэй хамтран ажиллаж байна

2025-04-18 18:22:00

Бүтээлч үйлдвэрлэлийн тэргүүлэгч агентлагуудын нэг болох "Edelman" групптэй хамтран ажиллаж байгаа нь “Go Mongolia” үндэсний брэндийн агуулга, өнгө төрхийг олон улсын жишигт нийцүүлэн, шинэ шатанд гаргахад чухал үүрэг гүйцэтгэж байна.

Цаашид брэндийн ойлголт, үнэт зүйлсийг олон нийтэд түгээх, дэлхий дахинаа нэр хүнд бүхий арга хэмжээнүүдэд идэвхтэй оролцох зэргээр Монгол Улсыг шинэ, сонирхол татахуйц дүр төрхөөр танилцуулах олон талт ажлуудыг хэрэгжүүлэхээр төлөвлөж байна.

Өнгөрсөн хугацаанд "Go Mongolia" үндэсний брэндийн үр дүнд Монгол Улсын талаарх ойлголт 57 хувиар, аялах сэдэл 36 хувиар нэмэгдсэн. Аялал жуулчлалын экспортыг тогтвортой өсгөх хамгийн чухал багануудын нэг бол олон улс дахь сурталчилгаа юм.