Ноорог-ийн залуусын 9.3 тэрбум төгрөгтэй холбоотой баримтыг прокурорын зөвшөөрөлтэй ил болгоно

2025-03-20 14:02:00

Өчигдөр ХЗДХ-ийн сайд О.Алтангэрэл Ноорог-ийн залуусын 6 дансаар 9.3 тэрбум төгрөг эргэлдсэн ба үүнийг цахим мөрийтэй тоглоом зохион байгуулсантай холбоотой байж магадгүй хэмээн шалгаж байгаа гэх утга бүхий мэдээлэл өгсөн. Харин Ноорог-ийн захирал Уламсайхан өчигдөр NTV телевизийн Лхагвын тойм нэвтрүүлэгт орохдоо 9.3 тэрбум төгрөгийг өөрийнхөө дансанд битгий хэл том компанийн төлөвлөгөөн дээр ч хараагүй гэж мэдэгдсэн.

Тэгвэл Ноорог-ийн залуусын дансаар эргэлдсэн гэх 9.3 тэрбум төгрөгийн талаарх баримтыг хэвлэлд нээлттэй мэдээлэх талаар цагдаагийн байгууллагаас прокурорт хүсэлт гаргажээ. Хэрэв прокуророос зөвшөөрөл өгвөл уг баримтыг ил болгоно гэдгийг өнөөдөр мэдэгдлээ.