АРХАНГАЙ: 5 сарын 1 хүртэл хурдан морины уралдаан, үсэргээ, сунгаа зохион байгуулахгүй

2025-02-25 13:49:00

Архангай аймгийн Засаг дарга бөгөөд аймгийн хүүхдийн төлөө зөвлөлийн тэргүүн Б.Цэрэннадмид, ЗДТГ-ын дарга Ш.Гомбодорж, Цагдаагийн газрын дарга О.Түмэнбаяр, Хүүхэд, гэр бүлийн хөгжил хамгааллын газрын дарга Б.Болормаа нар 19 сумын Засаг дарга, тамгын дарга, сургуулийн захирал, нийгмийн ажилтан, хэсгийн төлөөлөгч, сумдын нийгмийн ажилтан, хүүхэд, гэр бүлийн нийгмийн ажилтнуудтай цахим хурал хийжээ.

Хурлаар хүүхдийн эрхийг хамгаалах чиглэлээр 5 дугаар сарын 1-ний өдрийг хүртэлх хугацаанд хурдан морины уралдаан, үсэргээ, сунгаа зохион байгуулахгүй байх Засгийн газрын А/57 дугаар тогтоол, аймгийн Засаг даргын 2025 оны 01 дүгээр сарын 21-ний өдрийн А/23 дугаар захирамжийн хэрэгжилтийг хангах ажлыг эрчимжүүлэх асуудлыг хэлэлцжээ. 

Мөн Засгийн газрын тогтоол, аймгийн Засаг даргын захирамжийг хэрэгжүүлж, хяналтыг сайжруулах, иргэд олон нийтэд мэдээлэл хүргэж, урьдчилан сэргийлэх ажлыг зохион байгуулах үүрэг, чиглэл өгсөн байна.