Ши Жиньпин: Ази Номхон далайн хөгжлийн дараагийн "алтан 30 жил"-ийг бий болгоно

2023-11-20 15:14:00

Америкийн орон нутгийн цагаар 11-р сарын 17-нд АНУ-ын Сан Франциско хотод АПЕК-ийн удирдагчдын албан бус 30 дахь уулзалт болов. Өнгөрсөн 30 жилийн хугацаанд АПЕК-ийн 21 гишүүн хамтран бүтээсэн "Ази, Номхон далайн гайхамшиг" дэлхий нийтийн анхаарлыг татсаар ирсэн. Ирээдүйд Ази Номхон далайн бүс нутаг дахин "алтан 30 жил"-ийн хөгжилд хэрхэн хүрэх вэ? БНХАУ-ын дээд удирдагч Ши Жиньпин хэлсэн үгэндээ нээлттэй хамтын ажиллагааг тууштай баримталж, хамтын хөгжлийг эрэлхийлэх гол төлөвлөгөөг дэвшүүлэв.

30 жилийн өмнө хүйтэн дайн дууссаны дараа "дэлхий нийт хаашаа замнах ёстой вэ" гэсэн асуултын өмнө АПЕК-ийн эдийн засгийн цогцууд хөгжлийн төлөө нээлттэй болж, бүс нутгийн худалдаа, хөрөнгө оруулалтыг либералчлах, хөнгөвчлөх түүхэн зөв сонголт хийсэн. Сүүлийн гучин жилийн хугацаанд Ази Номхон далайн бүс нутаг урт хугацааны тогтвортой өсөлтөө хадгалж, нэг хүнд ногдох орлого дөрөв дахин өссөн. Худалдааны хэмжээ дэлхийн бараг тал хувийг эзэлж байна. Тарифын дундаж түвшин 17 хувиас 5 хувь болж буурч, дэлхийн эдийн засгийн өсөлтөд оруулсан хувь нэмэр нь 70%-д хүрч, дэлхийн эдийн засгийн өсөлтийн хөшүүрэг болсон юм.

Энэ хурлаас баталсан "Сан Францискогийн тунхаглал"-д өнгөрсөн 30 жилийн хугацаанд талууд АПЕК-ийн зорилгод тууштай байж, бүс нутгийг дэлхийн өсөлтөд тэргүүлэгч болгосон гэж тэмдэглэжээ. Энэхүү анхны зорилго нь үнэн хэрэгтээ ялгаа, нээлттэй, хүртээмжтэй байдлыг хадгалахын зэрэгцээ нийтлэг үндэслэлийг эрэлхийлэх хамтын ажиллагааны үзэл баримтлалыг баримталж, нөхцөл байдал хэрхэн хувьсан өөрчлөгдөж байгаагаас үл хамааран хөгжилд үргэлж анхаарлаа хандуулах явдал юм.

Ши Жиньпиний үзэл баримтлал, санал санаачилга нь олон улсын нийтлэг ойлголт болж, Сан Францискогийн энэхүү тунхаглалд тусгагдсаныг дурдвал: Бид чөлөөт, нээлттэй, шударга, ялгаварлан гадуурхахгүй, ил тод, хүртээмжтэй, урьдчилан таамаглах боломжтой худалдаа, хөрөнгө оруулалтыг бий болгохын төлөө байгаагаа дахин илэрхийлж байна. Бид зах зээлийг нээлттэй байлгах, нийлүүлэлтийн гинжин хэлхээний тасалдлыг шийдвэрлэх үүрэг хүлээсэн. Дэд бүтцээр холбогдох, бодлогын харилцаа холбоо, хүмүүс хоорондын харилцаа холбоог бэхжүүлэхж, уур амьсгалын өөрчлөлтөд үзүүлэх хариу арга хэмжээг сурталчилж, дижитал өөрчлөлтийг хийх хэрэгтэй гэсэн юм.