Дэлхийн хөрөнгө Хятад руу урсаж байгаа нь юуг харуулав?

2023-09-26 09:15:00

АНЭУ-ын төрийн буяны сангийн Мубадала хөрөнгө оруулалтын компани Бээжинд төлөөлөгчийн газраа нээлээ. Абу Дабигийн хөрөнгө оруулалтын газар болон Кувейтийн хөрөнгө оруулалтын газрыг төлөөлдөг Ойрхи Дорнодын буяны сангуудад А зэрэглэлийн хувьцааны 60 орчим компани байдаг бол одоо Ойрхи Дорнодын хөрөнгө Хятад руу урсах нь түргэсгэж байна. Дэлхийн хоёр дахь том эдийн засаг, хоёр дахь том хөрөнгийн зах зээлийн хөгжлийн боломжийг ашиглахыг дэлхийн хөрөнгө оруулалтын аль ч компани хүсдэг гэдгийг шинжээчид онцолж байна.

Ийнхүү АНУ болон барууны зарим хэвлэл мэдээллийн хэрэгсэл шуугиан дэгдээж эхэллээ. Тэд сүүлийн үеэс хөрөнгийн менежментийн дэлхийн BlackRock компани болон Норвегийн бие даасан сангийн бизнесийн зохицуулалтыг ашиглан "Хятадын А-хувьцаанаас гадаадынхан хөрөнгөө татаж байна" гэхчлэн шуугиан тарьж байна. Хэргийн үнэн мөн нь чухам юу вэ?  хэрхэн ойлгох уу?

Хөрөнгө оруулалтын байгууллагуудын хувьд, дэлхий даяар хөрөнгө хуваарилах нь зах зээлийн хэвийн үйл ажиллагаа бөгөөд "орж, гарах" нь эдийн засгийн хууль тогтоомжид нийцдэг. Үнэн хэрэгтээ BlackRock өөрийн сангийнхаа аль нэг бүтээгдэхүүнийг татан буулгах нь ердийн бүтээгдэхүүний шийдвэр гэдгээ олон нийтэд илээр мэдэгдсэн. Харин Хятадаас хөрөнгөө татсан гэх мэдээлэл бол худлаа юм. Норвегийн бие даасан сан "Шанхай дахь төлөөлөгчийн газраа хаасан шийдвэр нь үйл ажиллагааны үндэслэлтэй холбоотой бөгөөд тус сангийн хөрөнгө оруулалтын стратеги болон Хятад дахь хөрөнгө оруулалтад нөлөөлөхгүй" гэдгээ хэлж байсан.

Гэтэл АНУ болон барууны зарим хүмүүс хар цагааныг хутгаж, "Хятадын А-хувьцаанаас гадаадынхан хөрөнгө татаж байна" хэмээн шуугиан дэгдээж байна.  АНУ болон барууныхны шуугиан дэгдээж байгаагийн ард олон хорон санаа нуугдаж байна гэж холбогдох мэргэжилтнүүд онцолжээ. Хятадын стратегийн үүднээс авч үзвэл, АНУ Хятадыг өөрийн стратегийн хамгийн том өрсөлдөгч гэж андуурч, эдийн засгийн салбарыг Хятад руу явуулах довтолгооны гол төв болгож байна. Сүүлийн үед Америкийн улс төрчид болон хэвлэл мэдээллийн хэрэгслүүд Хятадын эдийн засгийг муулж байгаа нь гадаадынхны Хятадын эдийн засагт итгэх итгэлийг сулруулж, Хятадын хөгжлийн хүлээлтийг бууруулан, улмаар Хятадын хөгжлийн эрч хүчийг хязгаарлах зорилготой юм.

Улс төрийн өнцгөөс авч үзвэл, Вашингтоны өнөөгийн нөхцөл байдалд "Хятадын эсрэг" байх нь Америкийн улс төрчдийн хувьд зөв сонголт гэж үзэж байна. Ялангуяа АНУ-ын сонгууль ойртохын хэрээр АНУ-ын зарим улс төрчид Хятадын эдийн засгийг гүтгэхээр дамжин санал хураах чухал арга хэрэгсэл болгож байна.

 АНУ болон барууны орнуудын санаатай дуулиан нь үндэстэн дамнасан хөрөнгийн Хятадын талаарх ойлголтод нөлөөлж чадахгүй. Ойрхи Дорнодын хөрөнгийн урсгал Хятад руу түргэн урсаж байгаагаас гадна сүүлийн үед JPMorgan Chase болон ANZ банк ч Хятадын эдийн засгийн өсөлтийн хүлээлтийг нэмэгдүүлж, Lombard Consulting зэрэг хилийн чанад дахь байгууллагууд Хятадын хөрөнгийн зах зээлийн өгөөжийн хувь хэмжээг нэмэгдүүлсээр байна. Тэгвэл дэлхийн хөрөнгө яагаад Хятадын зах зээлийг өөдрөгөөр харж байна вэ? Хятадын хөрөнгийн зах зээл хөрөнгө оруулалтын асар их боломж, хөгжлийн нөөцтэйг холбогдох мэргэжилтнүүд онцоллоо. Хятад улс бол дэлхийн хамгийн хурдацтай хөгжиж буй эдийн засгийн цогцтой орнуудын нэг бөгөөд хөрөнгийн зах зээл тогтвортой үйл ажиллагаа явуулах үндэс суурийг тавьсан. Хятадын технологийн дэвшил нь шинээр хөгжиж буй олон салбарыг бий болгож, хөрөнгө оруулалтын боломжуудыг авчирч байна. Одоогоор Хятадын хувьцааны зах зээлийн үнэлгээ харьцангуй доогуур байгаа ч хөрөнгө оруулалтын хэтийн төлөв өөдрөг байна.

Түүнчлэн Хятадын хөрөнгийн зах зээлийн өргөн цар хүрээтэй, олон талт хөрөнгө оруулалтын сонголтыг үл тоомсорлож болохгүй. Одоогийн байдлаар Хятадын А зэрэглэлийн хувьцаат компанийн нийт тоо 5000-аас давж, зах зээлийн нийт үнэлгээ 85 их наяд юаниас давсан байна.

Хятад улс цар тахлын нөлөөг тогтвортой хяналтдаа авсны дараа эдийн засгийн сэргэлт маш түргэн хөгжиж, урт хугацааны эерэг үндэс сууриа хадгалсаар ирсэн. Олон улсын санхүүгийн чадварлаг байгууллага, хөрөнгө оруулагчид Хятадад хөрөнгө оруулалтаа өргөтгөж, Хятадын эдийн засгийн өсөлтийн ашгаас хуваалцахыг Хятад улс сайшааж байна. Үнэн хэрэгтээ дэлхийн хөрөнгө Хятад руу урсаж байгаа нь Хятадын хөрөнгийн зах зээл, Хятадын эдийн засаг өөдрөг байгааг харуулж байна.