МБХ: Ипотекийн зээлийн нэг хувийн шимтгэлтэй холбоотой шүүхийн шийдвэрийг мушгин гуйвуулж байна

2023-09-13 10:27:00

Монголын Банкны Холбоо(МБХ) болон Хуульчдын мэргэжлийн зөвлөлөөс ипотекийн зээл олгоход авдаг нэг хувийн шимтгэлтэй холбоотой мэдэгдэл гаргажээ. 

Үүнд "Шүүхийн шийдвэрт "Банкууд ипотекийн зээлийн шимтгэлийг авах эрхгүй, буцааж төлөх, шилжүүлэх" гэсэн агуулга байхгүй болно. Харин арилжааны есөн банк 20 сая төгрөгийн торгууль төлөх, банкнаас орон сууцны хөнгөлөлттэй ипотекийн зээл олголтын шимтгэлийг гарч буй зардалтай нь уялдуулан тогтоох арга хэмжээг авахаар болж байгаа юм. 

Хуульч, өмгөөлөгчийн тангараг өргөсөн нэр бүхий өмгөөлөгчид ёс суртахуунгүй авирлаж, шүүхийн шийдвэрийг мушгин гуйвуулж, олон нийтийг төөрөгдүүлж байна" гэсэн байна.