Нас барсан хүүхдийнхээ халамжийг авч, УЛСАД 14 САЯЫН ХОХИРОЛ учруулсан байна

2023-02-08 15:43:00

Нас барсан хүүхдийнхээ бүртгэлийг хийлгэлгүйгээр хүүхдийн мөнгө, халамжийг өөрөө авч байсан үйлдэл Баян-Өлгий аймагт гарчээ.

Тодруулбал, иргэн Б нь өөрийн хүүхдийг нас барсан байхад бодит байдлыг нууж, нэр дээр нь олгогддог хүүхдийн мөнгөн тэтгэмж болон тэжээгчээ алдсаны тэтгэвэрийг сар бүр авч байжээ.

Тэрбээр энэ үйлдлийнхээ төлөө Нийгмийн даатгалын болоод халамжийн санд 14 сая төгрөгийн хохирол учруулсан нь тогтоогдсон байна.

Тиймээс Баян-Өлгий аймгийн прокурорын газраас  иргэн Б-д Эрүүгийн хуулийн 18.12 дугаар зүйлийн 1-т зааснаар яллах дүгнэлт үйлдэн, Баян-Өлгий аймаг дахь Сум дундын Эрүүгийн хэргийн анхан шатны шүүхэд шилжүүлжээ.