Оношлуурын хангамж, хүртээмжийн асуудлаар ЭЭХХЗГ-аас уулзалт зохион байгууллаа

2021-10-26 13:50:00

Коронавируст халдварын тархалт ихэсч, хүнд, нэн хүнд өвчтөний тоо болон нас баралт нэмэгдэж байгаа тул зах зээлд чанарын баталгаатай оношлуурын хангамж, хүртээмжийг нэмэгдүүлэх шаардлага тулгарч байна.

Иймээс Эрүүл мэндийн сайдын 2021 оны 08 дугаар сарын 19-ний өдрийн А/528 дугаар тушаалаар батлагдсан “Коронавируст халдвар /КОВИД-19/ илрүүлэх оношлуурыг яаралтай нөхцөлд хэрэглэх зөвшөөрөл олгох” журам, Эрүүл мэндийн сайдын 2019 оны А/295 дугаар тушаалаар батлагдсан “Эм, эмийн түүхий эд, биологийн идэвхт бүтээгдэхүүнийг бүртгэх журам”-ын хэрэгжилтийг хангах зорилгоор Биобэлдмэл, оношлуурын салбар зөвлөлийн гишүүд болон оношлуурын бүртгэлийн шинжээчидтэй мэдээлэл солилцох, оношлуурын бүртгэлийн үйл ажиллагааг эрчимжүүлэх, тулгамдсан асуудлыг шийдвэрлэх уулзалтыг ЭЭХХЗГ-аас зохион байгууллаа.

Уулзалтыг ЭЭХХЗГ-ын дарга Б.Цэцэгсайхан нээж Биобэлдмэл, оношлуурын салбар зөвлөлийн дарга Т.Алимаа, Б.Хосбаяр, Ж.Энхзул, Б.Ичинхорлоо, Г.Наран, Б.Дармаа, Ж.Оюунбилэг зэрэг гишүүд, лабораторийн оношлуурын шинжээчид оролцлоо.

АНХААРУУЛГА:
Уншигчдын бичсэн сэтгэгдэлд ZANGI.MN хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
Хэм хэмжээ зөрчсөн сэтгэгдлийг админ устгах эрхтэй.