Хумсны гелэн будгаас татгалзах 6 шалтгаан

2022-08-25 15:29:00

Сүүлийн үед охид бүсгүйчүүд маань хялбар, удаан тогтоцтойг нь бодож гелэн лакаар хумсаа будуулах болсон билээ. Энэ нь цаг зав, мөнгө асар ихээр хэмнэдэг болохыг бид мэднэ. Нүүр будалтын мэргэжилтэн Елена өөрийн блог хуудаснаа удаан хугацааны туршид гелэн лакаар хумсаа будах нь хумсанд ямар үр дагавар авчирдаг талаар бичсэн бөгөөд 3 долоо хоногоос илүү гелэн будагтай явах нь тийм ч зөв сонголт биш гэжээ.

1. Хоёр долоо хоног өнгөрөхөд будалт тийм ч таатай харагддаггүй

3 долоо хоногийн дараа гэхэд хумс хангалттай ургаж будаг болон хумсны илүү махны завсар зай гарч эхэлдэг бөгөөд энэ нь ихэнхдээ болхи, таагүй харагддаг учир бүсгүйчүүд дараагийн будалт хүртэл хуруугаа халаасандаа нуух хэрэгтэй болдог. Үүнээс болж хумс гелэн будагтайгаа хамт хугарах нөхцөл бүрддэг гэнэ. Ялангуяа гэрийн ажил хийж, хоол хийдэг бүсгүйчүүдэд энэ хамааралтай. "Хэрвээ гелэн будгаар будаагүй байхад хумс минь хугарвал би зүгээр хуурайдахад л хангалттай байдаг. Харин гелэн лактай үед яаж ч болдоггүй бөгөөд ээлжит хумс будалтыг яаран хүлээдэг" хэмээн нэгэн бүсгүй хуваалцжээ. 

2. Дараагийн хумс будалт өвдөлттэй байх болно

Гелэн будаг түрхсэний дараа хатуурч эхэлдэг бөгөөд 3 дахь долоо хоногт будгаа салгах нь эхний долоо хоногоос илүү өвдөлттэй байх болно. Тиймээс маникюрчин илүү их бодис ашиглахаас гадна чанга дарах шаардлагатай болдог. Гелэн будаг арилгах үйл ажиллагаа нь маш хортой. Хумсан дээр түрхэх шингэн нь хумсыг хатаах бөгөөд туршлагагүй маникюрчин бол хумсны бүтцийг ч алдагдуулж чадна. Хэдий чинээ их шингэн түрхэнэ төдий чинээ гар хорсож, халуу дүүгэх юм. Заримдаа гелэн лак хатаах хүртэл өвдөлттэй байдаг.

3. Хумс нимгэн, хугарамтгай болно

Удаан хугацааны туршид химийн бодисоор хумсаа бүрэх нь хумсыг нимгэн, хугарамтгай, цууралттай болоход нөлөөлдөг байна. Үүнээс гадна хумсны давхарга хууларч, цагаан толбо үүсдэг.

"Гелэн будаг хумс гэмтээдэг гэдгийг би итгэлтэйгээр хэлж чадна. Хумс илүү зөөлөн, хугарамтгай, өнгөө алдсан байдалтай харагддаг. Хумсаа гелэн лакаар будуулж байх үедээ та үүнийг анзаарахгүй байж болох ч дараа нь шууд мэдрэх болно". 

"Гелэн будгаа арилгуулсныхаа дараа миний хумс нимгэн бас өвдөлттэй болсонг анзаарсан. Хатуу зүйлд хүрэх бүрд хагарч, өвчин их мэдэрч байсан даа" хэмээн irecommend сайт дээр бүсгүйчүүд бичжээ.

4. Хумсны мөөгөнцөр үүсэх магадлалтай

Гурван долоо хоногийн турш гелин будагтай байх нь хумсны будаг болон хумсны завсар зай үүсгэдэг. Ингээд усанд хүрэх бүрд энэ хэсэгт чийгтэй орчин үүсэж, мөөгөнцөр үүсэх таатай нөхцөл бүрддэг байна. "Гелэн будгаа салгуулсны дараа би хөлийн эрхий хуруун дээр маань жижиг шар толбо байгааг ажигласан юм. Би маникюрчнаас юу болохыг асуухад "Санаа зоволтгүй. Хумс тань бага зэрэг хууларсан байна. Олон хүмүүст ийм зүйл тохиолддог. Та бариу гутал өмсдөг байх” гэж хэлсэн. Будгаа арилгуулах болгонд шар толбо улам томорч байсан ч маникюрчин маань хэлдгээ хэлсээр л. Ингээд хэсэг хугацааны дараа миний хумс үйрч эхэлсэн учир би хумсаа будуулахаа больж, мөөгөнцрийн эсрэг эмчилгээг хийлгэсэн" гэж нэгэн бүсгүй хуваалцжээ.

5. Хумс хуулрах аюултай

Үүнийг онихолизис гэдэг бөгөөд энэ нь хурууны зөөлөн эднээс хумс хэсэгчлэн эсвэл бүхэлдээ хуулрах явдал юм. Энэ нь мөөгөнцөр, гэмтэл болон харшлаас ихэнхдээ үүсдэг бөгөөд гелин будгийн найрлага ч үүнд хамаарна. Энэхүү өвчлөлийг эмчлэхэд удаан хугацаа шаардана. "Би мэргэжилтэн дээр очиж гелэн лакаа арилгуулаад дахиж будуулахгүй байхаар шийдсэн юм. Будаг арилгасны дараа тэрээр намайг хумсаараа ямар нэг зүйл цохисон уу гэж асуусан. Би гайхаж хумсаа хартал хэд хэдэн хурууны маань хумсны доор зай гарсан байсан. Үүнээс гадна хар судал гарч, цус хурсан байв. Харин хэд хоногийн дараа хумс хууларч унасан" гэжээ.

6. Гелэн будалт моодноос гарсан

Тод хумсны будалт, урт хумс, шигтгээ, хумсны зураг зэрэг зүйлс бага багаар загварлаг байхаа больж, өнгөрсөнд үлдэж байна. Гелэн хумсны будгийг шүтэн бишрэгчид бүдэг ягаан, цайвар өнгийн энгийн будгаар хумсаа будах болжээ. Chanel-ийн маникюрчин Жоселин Петрони будалтгүй эрүүл, цэвэр хумсанд шилжих хэрэгтэй гэсэн саналыг тавьсан аж. "Би гайхалтай сайхан хумстай бөгөөд огт буддаггүй. Хэлбэр, ургалт зэрэгт нь анхаарал хандуулж, хумсаа тогтмол арчилдаг" гэжээ.

7. Бонус: Хэрвээ гелэн будгаар будаж хумсаа гэмтээсэн бол яах вэ?

Хумс давхаргаараа хууларч, өнгө алдан нимгэрсэн бол дараах хялбар аргыг хэрэгжүүлээрэй. Хумсныхаа уртад анхаарал хандуулж коллагентай бэхжүүлэгч түрхэхэд хангалттай. Хумсаа бүрэн гүйцэд эдгэтэл урт ургуулах шаардлагагүй бөгөөд гүйцэд эмчлэхэд хамгийн багадаа 2 сар шаардлагатай юм.