Наадмын дараа шатахуууны үнэ нэмэгдэж болзошгүй

2022-06-30 13:44:00

Шатахууны үнэ наадмын өмнө болон дараа 300-600 төгрөгөөр нэмэгдэнэ гэсэн мэдээлэл гарсан. Үүнтэй холбоотойгоор Уул уурхай, хүнд үйлдвэрийн яамны Газрын тосны бодлогын хэрэгжилтийг зохицуулах хэлтсийн дарга Ч.Хишигдалайгаас тодрууллаа. 

Тэрбээр, "Газрын тосны нөөц тогтвортой хэвийн байна. АИ-92 автобензин 42, дизель түлш 25 хоногийн нөөөцтэй байна. Наадам дуустал үнийг нэмэхгүй байх талаас нь ААН-үүдтэй ажиллаж байгаа. Газрын тосны үнэ дэлхийн зах зээл дээр тасралтгүй өсөж байна. Үүнтэй холбоотой ОХУ-аас нийлүүлж байгаа газрын тосны үнэ ч мөн тодорхой хувиар өсөөд байна. Тухайлбал, 7 сард нийлүүлэгдэх бүтээгдэхүүний үнэ 15-35 хувиар өсөж орж ирсэн. Үнийг хямдруулах асуудал дээр тус улстай гэрээ хэлцэл хийгээ үр дүнгээ хүлээж байна. Бид ямар нэгэн байдлаар бүтээгдэхүүний үнийг өсгөхгүй байдлаар хориг тавьбал нөөц хомсдох, тасалдах эрсдэлд хүрнэ. Тиймээс зохицуулалт хийж ажиллаж байна.