АНУ-ын ерөнхийлөгч BTS хамтлагийн гишүүдтэй Ази хүмүүсийн эсрэг гэмт хэрэгтэй хэрхэн тэмцэх талаар ярилцана

2022-05-27 09:38:00

Дэлхий дахинд алдаршсан Өмнөд Солонгосын BTS хамтлагийн гишүүд ирэх долоо хоногт Цагаан ордонд зочилж, АНУ-ын ерөнхийлөгч Жо Байдентай сүүлийн үед нэмэгдэх болсон Ази гаралтай хүмүүсийн эсрэг гэмт хэрэгтэй хэрхэн тэмцэх талаар санал солилцохоор болжээ.

Тэдний уулзалт Мягмар гарагт болохоор төлөвлөгдсөнийг Цагаан ордноос өчигдөр мэдээлсэн байна.

АНУ-ын засаг захиргаа тавдугаар сарыг Ази гаралтай Америкчууд, Хавай болон Номхон далайн арлын уугуул иргэдийн (AANHPI- Asian-American and Native Hawaiian/Pacific Islander) соёл, уламжлалыг хүндэтгэх сар болгон зарласан юм.

Сүүлийн жилүүдэд АНУ-д Ази гаралтай хүмүүсийн эсрэг гэмт хэрэг огцом нэмэгдсэн нь нэг талаар коронавирусийн цар тахалтай холбоотой гэгдэж байгаа.

Зөвхөн энэ сард Даллас дахь үсчний салонд Ази гаралтай гурван эмэгтэйг буудсан этгээдэд шүүхээс ял оноосон бол Калифорни мужид нэг этгээд Тайвань гаралтай иргэдийн сүмд гал нээсний улмаас нэг хүн алагдаж, таван хүн шархаджээ.

Эх сурвалж: Reuters

АНХААРУУЛГА:
Уншигчдын бичсэн сэтгэгдэлд ZANGI.MN хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
Хэм хэмжээ зөрчсөн сэтгэгдлийг админ устгах эрхтэй.