Г.Занданшатар Нам Засгийн тамгыг хослуулан атгаж чадах уу? 

2025-09-08 22:11:00

Монгол ардын нам үүсэн байгуулагдснаас хойш тогтсон намын бодлого зарчим бий. Харин одоо тэд түүнийгээ дагах уу өөрчлөх үү гэдгээ шийдэж ядан байна. Үүний гол найруулга сүүлийн үед улс төрд хүч түрэн орж, төрийн дээд албан тушаалд л нэрс нь яригдах болсон Л.Оюун-Эрдэнэ, Д.Амарбаясгалан, Н.Учрал, Г.Тэмүүлэн гэх мэт 80-аад оны залуус болон хуучин социалист үзэл суртал баримтлагсад гэж хуваагдаж байх шиг. Ард түмэн үүнийг БНХАУ VS ОХУ гэж талцаж байна гэж шоглож байна. Тодруулбал Хятад талд элэгтэй тэр талд илүү бизнес хамтрал хийдэг Х.Нямбаатар толгойтой 80 оныхон, хуучин намын дүрэм ах захаа хүндэлдэг 70 оных буюу Ерөнхийлөгчийн талынхан. 

 Өнгөрсөн хавар ч Л.Оюун-Эрдэнээр ахлуулсан 80-аад оныхон байр сууриа авч үлдэх гэж нөгөө талд 70-аад оны ах нар түүний эсрэг тэмцэлдсэн. Одоо ч энэ тэмцэл дуусаагүй бөгөөд намыг хэн толгойлж, хэн чиглүүлж явах вэ гэдэг ч чухал үйл явдал өрнөж байна. Энэ бол маш чухал үйл явц.  

70 оныхноос бол намын дүрмийн дагуу Ерөнхий сайд намын дарга байна гэх болзлоо хангачихсан учир хамгийн том өрсөлдөгч бол дахиад л Занданшатар. 

Харин 80 оныг төлөөлж намдаа, бага хурал дотроо нэр хүнд сайтай, улс төрийн имидж давгүй, нүүрсний хулгайч гэж цоллогдсоноос бусдаар торох юмгүй Д.Амарбаясгалан. Харин Занданшатарын хувьд хэдийгээр намын дүрмийн болзол хангасан ч өнгөрсөн 2024 оны сонгуульд ялагдал хүлээж, парламентад суудалгүй байсан хүн гэх сул талтай. 

Эрх барьж байгаа намын дарга хэн болох нь ард түмний ч хувьд чухал. МАН-ын цаашдын хувь заяа буюу ирэх сонгуульд ч чухал хэн хүнгүй л чих тавьж байна. 

Харин тэд ил тод өрсөлдөх үү, намын дүрмээ баримтлах уу, эсвэл зүгээр тохиролцоо хийх үү гэдэг ч бүр ч сонин байна.