Н.Учрал:170 зөвшөөрөл цахимаар өгдөг болсон

2025-03-26 14:19:00

Засгийн газрын ээлжит хуралдаанаас гаргасан шийдвэрийг танилцуулах үеэр ЗГХЭГ-ын дарга Н.Учрал цахим системтэй холбоотой алдаг дутагдал, хэрхэн сайжруулах тухай мэдээлэл өглөө.

Өнгөрсөн долоо хоногт Засгийн газарт ирсэн 72 санал гомдлоос  80 хувь нь ямар нэгэн зөвшөөрөлтэй холбоотой байна. Өөрөөр хэлбэл цахимд шилжсэн гэдэг ч иргэдээс маш их цааш бичиг баримт шаардаж байна. Энэ бол авлигаас ангид байх, ил тод байх, төрийн бодлогыг эсэргүүцэж байгаа хэлбэр юм.

Өнөөдрийн байдлаар170 зөвшөөрлийг бүрэн цахим системд шилжүүлсэн. Өнгөрсөн хугацаанд 170 зөвшөөрлөөс 60 нь бичиг баримт шаардахгүй байгаа гэтэл иргэд зөвшөөрөл авах гэж олон бичиг цаас бүрдүүлж, яам тамгын үүд сахиж байгаа нь  гэдгийг судалсан стандартын л  асуудал.

Тиймээс зөвшөөрөл, мэдэгдлийн хуулийг энэ хаврын чуулганаар хэлэлцэнэ. Төр нэг сувгаар иргэдтэйгээ харилцана. Яам, агентлаг, хэлтэс нь өөр өөр чиг үүрэгтэй ажиллахаа болино. 

Жишээлбэл, И-Монголиа аппликейшн руу ороод олон улсын жолооны үнэмлэх авах хүсэлт илгээхээр юу ч нэхэхгүй мөртлөө амьдрал дээр үнэмлэх авья гэхээр бичиг баримт нэхдэг. Энийг юу гэж ойлгох вэ. Заавал хүнтэй уулзах ёстой болдог. Бид өнөөдөр цахим системийг нь бэлэн болгосон. Өнөөдөр яам, агентлаг, сум, дүүргээр нь тухайлан заалттай үүргүүдийг хүргүүлж, И-Лиценз болон И-Бизнес.мн цахим системд үйлчилгээгээ явуулахыг шаардана. Тэгээд 14 хоногийн дараа Зөвшөөрлийн зөвлөл дээр хүнд суртал үүсгэж байгаа төрийн албан тушаалтанд хариуцлага тооцохоос өөр арга зам үлдсэнгүй гэлээ.