Хилийн цэргийн анги, салбарууд тоон радиорелейн сүлжээнд холбогдож эхэллээ

2025-02-12 11:24:00

Өнөөдөр буюу 2025 оны хоёрдугаар сарын 11-ний өдөр Хилийн цэргийн 0168 дугаар ангийн салбаруудыг ангийн төвтэй холбосон тоон радиорелейн антен, тоног төхөөрөмжийн хамт суурилуулан ашиглалтад орууллаа.

Тоон радио релейн систем ашиглалтад орсноор ХХЕГ-ын шуурхай удирдлагын төв, ангийн төвийн удирдлагын төв, хилийн цэргийн салбаруудаас Цахим хурлын E-conference, Хилчин, BMS, Оператив мэдээллийн систем зэргийг ашиглан улсын хил хамгаалалтад ашиглаж эхлээд байна. Тоон радио релейн систем хооронд дунджаар 450 mbps хурдтай холболт үүсгэсэн бөгөөд хилийн цэргийн салбаруудад Хил хамгаалалтын сүлжээ, дохиолол хяналтын сүлжээ, шалган нэвтрүүлэх албаны сүлжээ, интернет сүлжээ зэргийг үүсгэн мэдээ мэдээлэл солилцох хурд сайжирч, улсын хил хамгаалалтад шинэлэг техник технологийг нэвтрүүллээ.