Нууц санал хураалт явуулж, цэцийн гишүүдийг томиллоо

2024-05-30 14:29:00

УИХ-ын чуулганы нэгдсэн хуралдаанаар Үндсэн хуулийн Цэцийн гишүүнээр Ц.Цолмон, Б.Болдбаатар, Р.Батрагчаа нарыг томилох саналыг хэлэлцэн, баталлаа. Ингэхдээ нууц санал хураалт явуулж, Цэцийн гишүүдийг томиллоо. Чуулганы нэгдсэн хуралдаанд оролцсон гишүүдийн 68.3 хувийн дэмжлэгтэйгээр томилгоог батлав.

Харин О.Машбатыг Улсын ерөнхий прокурорын орлогчоор томилуулах тухай Ерөнхийлөгчөөс өргөн мэдүүлсэн зөвшилцөх саналыг хэлэлцэн дэмжлээ. Нууц санал хураалт явуулахад гишүүдийн 62.5 хувь нь дэмжив.

Мөн бүрэн эрхийнх нь хугацаа дууссан Үндсэн хуулийн Цэцийн гишүүнээс Д.Солонго, Б.Буяндэлгэр, Г.Тугалхүү нарыг чөлөөллөө.