25 сургууль, 15 цэцэрлэг, 13 эмнэлэгийн газраас бусдад шилжүүлжээ

2024-04-01 16:26:00

Нийслэлийн сургууль, цэцэрлэг, эрүүл мэндийн байгууллагын газраас бусдад шилжүүлсэнтэй холбогдох судалгааг хийж өнөөдөр танилцууллаа. Судалгаагаар нийслэлийн хэмжээнд ерөнхий боловсролын  25 сургууль, 15 цэцэрлэг, 13 эмнэлэгийн газраас бусдад шилжүүлжээ.

Нийгмийн зайлшгүй хэрэглээнд үндэслэн газар чөлөөлөх журам Засгийн газрын 2024 оны гуравдугаар сарын 6-ны өдрийн тогтоолоор батлагдсан. Үүний дагуу авто замын чиглэлээр 30 байршилд 1605 нэгж талбар чөлөөлөхөөс 679, сургууль, цэцэрлэгийн 14 ажилд 210 нэгж талбар чөлөөлөхөөс 124, шугам сүлжээ хийх 11 байршилд 403 нэгж талбар чөлөөлөхөөс 68, хороо, өрхийн эмнэлгийн 11 байршилд 303 нэгж талбар чөлөөлөхөөс 148 нэгж талбарыг чөлөөлжээ.