Ирэх бямба, ням гарагт “Хүчит шонхор“-ын замыг нэг чигийн хөдөлгөөнд оруулна

2024-02-01 12:31:00

Чингэлтэй дүүргийн 12 дугаар хороо Дэнжийн мянга "Хүчит шонхор" худалдааны төвийн зүүн тал болон урд талын замыг энэ сарын 3, 4-ний өдрүүдэд 08:00-17:00 цагийн хооронд нэг чигийн хөдөлгөөнд оруулахаар болжээ. 

Замын хөдөлгөөний аюулгүй байдлын тухай хуулийн 8 дугаар зүйл “Цагдаагийн байгууллагын эрх үүрэг” 8.2.2-т “Замын хөдөлгөөний аюулгүй байдлыг хангах зорилгоор замын хөдөлгөөнийг зохион байгуулах, урсгал, чиглэлийг түр өөрчлөх, хязгаарлах, хаах” эрхтэй гэж заасан байдаг. 

Энэ дагуу замын хөдөлгөөнийг нэг чигийн хөдөлгөөнд оруулахаар болсон байна.