Сурагчид энэ сарын 28-наас нэгдүгээр сарын 28-ныг дуустал амарна

2023-12-01 15:48:00

Сурагчдын амралтыг наашлуулахаар болсныг Боловсрол, Шинжлэх Ухааны сайд Л.Энх-Амгалан мэдэгдлээ. 

Арванхоёрдугаар сарын 28-наас сурагчдын хоёрдугаар улирлын амралтыг эхлүүлж, нэгдүгээр сарын 28-ныг дуустал амрах юм байна. Гэхдээ цэцэрлэг ажиллана. Сурагчид амрах хугацаанд цэцэрлэгийн хүүхдүүд чөлөө авах боломжтой. Нийтээр нь амраах боломжгүй гэв. 

Энэ сарын 29-нөөс эхлэн дөрөв хоног бүх нийтээрээ амрахаар байгаа. Үндсэндээ нэгдүгээр сарын 2-ноос дөрвөн өдөр хичээллээд бага, дунд ангийнхны хоёрдугаар улирлын амралт эхлэхээр байсан. Цаг агаарын эрс хүйтрэх төлөв, ханиад томуугийн өвчлөлийн нөхцөл байдал зэргийг харгалзан сурагчдыг нийтээр нь эрт амраахаар шийдвэрлэжээ.