Их, дээд сургуулиуд энэ сарын 28-наас хичээллэж эхэлнэ

2023-08-15 13:39:00

Боловсрол, шинжлэх ухааны яамнаас Их, дээд сургууль болон МСҮТ-ийн хичээл эхлэх хугацаатай холбоотойгоор мэдээлэл хийлээ.

Дээд боловсролын байгууллагын хичээл сонголт наймдугаар сарын 21-ний өдөр гэхэд хийгдэнэ. Их, дээд сургуулийн хичээл наймдугаар сарын 28-нд эхэлнэ. Сургууль бүр байршлаасаа хамаараад оюутнуудын  хичээл эхлэх цаг 07:40, 08:00, 08:40 байна гэв. 

Харин есдүгээр сарын 4-нд их, дээд сургуулийн хичээлийн шинэ жилийн нээлтийг зохион байгуулах зохицуулалтыг хийх юм байна. 

МСҮТ-ийн хичээлийн шинэ жилийн нээлт буюу хичээл нь есдүгээр сарын 4-нд эхлэх юм.