БНСУ-ЫН ВОНЖИН ЭМНЭЛГИЙН ГОО САЙХНЫ МЭС ЗАСЛЫН НАРИЙН МЭРГЭШСЭН ЭМЧ НАР МОНГОЛД ЗӨВЛӨГӨӨН ЗОХИОН БАЙГУУЛНА

2023-06-01 20:36:00

Сүүлийн үед гадаадын гэлтгүй манайхан ч бас эрүүл гоо сайхантай байхыг илүүд үздэг болж, гоё сайхан, зөв төрх, зөв галбиртай байхыг чухалчилдаг болжээ. Тиймдээ ч давхраа хийлгэх, хамар өндөрлөх, хөх, өгзөг хийх, мөн түүнчлэн хамар хоолойн эрүүл мэнд гэх зэрэг нөхөн сэргээх мэс заслыг ихээр хийлгэх болсон.

Гоо сайхны мэс засал нь зөв газраа, зөв эмчид, зөв хугацаандаа донжийг нь олоод хийлгэвэл тухайн хүний амьдралыг өөрчилж, өөртөө итгэлтэй, аз жаргалтай болгодог. Тиймээс гоо сайхны мэс засал, гоо засал гэх нэршил нь бидний амьдралд хэдийн хэвийн нэршил болсон байна.

Гоо сайхны мэс засал  1990 оны сүүл, 2000 оноос эхээр эрчимтэй хөгжсөн. Ялангуяа Солонгос улс гоо сайхны мэс заслаараа алдартай, хамгийн сайн гэгддэг. Энэхүү хөгжлийн үе шатыг хамтдаа үүрэлцэж, өнөөдрийн өндөр дэвшилд хүргэлцсэн эмнэлгийн нэг бол яах аргагүй Вонжин гоо сайхны мэс заслын эмнэлэг юм.

Тус эмнэлгийн түүхээс дурдвал 1990-ээд оноос эхлэлтэй бөгөөд Сөүлийн төв Ганнам дүүрэгт тасралтгүй 20 гаруй жил зөвхөн гоо сайхны мэс заслын салбарт судалгаа шинжилгээ хийн, түүнийгээ салбартаа нэвтрүүлж, эмнэлгийн үйл ажиллагаагаа ч мөн өндөр түвшинд авч явсаар ирсэн арвин баялаг түүхтэй, гадаад дотоодын үйлчлүүлэгчдээсээ өндөр үнэлгээ авсаар ирсэн эмнэлэг билээ.

Бидний зурагт интернэтээр харж байсан K-Pop  одууд ч мөн энэхүү эмнэлгийн байнгын үйлчлүүлэгч гэдэг үнэлэмж нь тус эмнэлгийн чансааг тодотгоод өгөх байх.

Вонжин эмнэлэг нь 30 гаруй нарийн мэргэжлийн эмчтэй, 40 гаруй төрлийн нарийн мэргэжлийн тоног төхөөрөмж, системээр бүрэн тоноглогдсон, халдвараас урьдчилан сэргийлэх менежментийг хэрэгжүүлж, үйлчлэгч нэг бүрийн тав тухыг нэн тэргүүнд тавьдагаараа Солонгостоо тэргүүлэгч гол үндэс юм.

Тэгвэл Солонгос улсдаа тэргүүлэгч Вонжин гоо сайхны мэс заслын эмнэлэг зургаадугаар  сарын 17-18-ны өдрүүдэд Монгол улсад Гоо сайхны мэс заслын зөвлөгөөнийг зохион байгуулах гэж байна.

Тус зөвлөгөөн Шангрила Улаанбаатар зочид буудалд болно.

Солонгос улсад тэр бүр очиж зөвлөгөө авч чадахгүй ч онлайнаар маш олон үйлчлүүлэгч ханддаг учраас Вонжин эмнэлгийн захирал, нарийн мэргэжлийн эмч нарын хамт Монгол улсыг зорин ирж, хоёр өдрийн туршид үнэ төлбөргүй зөвлөгөө өгөх бөгөөд Монголдоо эх хэлээрээ зөвлөгөө авна гэдэг нь алдаж боломгүй завшаан гэлтэй.  

Энэ үеэр Вонжин эмнэлгийг зорьж, үйлчилгээ авах хүсэлтэй байгаа иргэдтэй үйлчилгээний гэрээ байгуулж, цаашид хэрхэн яаж үйлчилгээ авах вэ гэх мэтээр зөвлөх цогц үйлчилгээг үзүүлэх юм.

Харин гоо сайхны мэс засал Монголд огт огт хийгдэхгүй, зөвлөх үйлчилгээг л үзүүлнэ гэдгийг анхаараарай.