Д.Амарбаясгалан ЕНБД-аар хэвээр үлдэж, Я.Содбаатар, А.Ариунзаяа, Д.Тогтохсүрэн, О.Батнайрамдал нарыг нарийн бичгийн даргаар томилжээ

2022-12-30 16:55:00

МАН-ын бага хурал арванхоёрдугаар сарын 6-нд хуралдах байсан ч нүүрсний хулгайн асуудлаарх жагсаалаас шалтгаалан хойшилсон билээ.

Тэгвэл өнөөдөр МАН-ын бага хурал цахимаар боллоо. Хуралдаанаар хэлэлцсэн гол асуудал нь МАН-ын Ерөнхий нарийн бичгийн даргын асуудал байсан юм.

Тэгвэл МАН-ын Ерөнхий нарийн бичгийн даргаар ЗГХЭГ-ын дарга Д.Амарбаясгаланг генсек хэвээр нь үлджээ.

Түүнчлэн МАН дөрвөн нарийн бичгийн даргатай байх юм. Нарийн бичгийн даргаар Ерөнхийлөгчийн тамгын газрын дарга Я.Содбаатар, Ерөнхий сайдын ахлах зөвлөх А.Ариунзаяа, УИХ дахь МАН-ын бүлгийн дарга Д.Тогтохсүрэн, УУХҮ-ийн дэд сайд О.Батнайрамдал нарыг томилжээ.

Орон тооны нарийн бичгийн даргаар А.Ариунзаяа, О.Батнайрамдал нар томилогдсон учраас ажлаа хүлээлгэн өгөх юм байна.

Харин орон тооны бус нарийн бичгийн дарга нар болох Я.Содбаатар, Д.Тогтохсүрэн албан тушаалуудаа хэвээр хаших юм байна.