Тавдугаар сарын 1-нээс иргэдийг урьдчилан сэргийлэх, эрт илрүүлэх оношилгоо шинжилгээнд хамруулна

2022-02-16 13:56:00

Өнөөдөр Засгийн газрын ээлжит хуралдаан боллоо. Хуралдааны шийдвэрийг танилцуулах үеэр Эрүүл мэндийн сайд С.Энхболд  Ерөнхий сайд улс даяар нийт хүн амыг эрүүл мэндийн урьдчилан сэргийлэх, эрт илрүүлэх оношилгоо шинжилгээнд хамруулахыг үүрэг болгосон талаар мэдээллээ.

2022 оны төсөвт Эрүүл мэндийн даатгалын санд 60.8 тэрбум төгрөгийг иргэдийг урьдчилан сэргийлэх үзлэгт хамруулахад зориулан тусгасан. Энэ хүрээнд тавдугаар сарын 1-нээс эхлэн иргэдийг үзлэг шинжилгээ, оношилгоонд хамруулж эхлэхээр болжээ.

Энэ талаар Эрүүл мэндийн сайд С.Энхболд "Манай улсын иргэдийн дундаж наслалтын хувьд эмэгтэй 70.8 байдаг бол эрэгтэйчүүдийн дундаж нас 60.6 байдаг. 2024 он гэхэд эрэгтэй эмэгтэй хүмүүсийн дундаж наслалтын зөрүүг багасгаж таван жил болгохоор Засгийн газар мөрийн хөтөлбөртөө тусгасан. Энэ хүрээнд ирэх  тавдугаар сарын 1-нээс эхлэн иргэдийг үзлэг шинжилгээ, эрт оношилгоонд хамруулах ажлыг эхлүүлнэ" гэв.