Эрээн хотод үлдээд буй 600 чингэлгийг ирэх долоо хоногт татан авна

2022-01-19 16:49:00

Өнөөдөр Засгийн газрын ээлжит хуралдаан боллоо. Хуралдааны шийдвэрийг шийдвэрийг танилцуулах  үеэр Ерөнхий сайдын хэвлэлийн төлөөлөгч Ч.Болортуяа ачаа тээвэртэй холбоотой асуудлаар мэдээлэл өглөө. Замын-Үүд боомтоор нэвтрэх ачаа тээврийн хөдөлгөөний зохицуулалтад өөрчлөлт оруулж, тус боомтын хилийн шугам дахь чингэлэг шилжүүлэх талбай, боомтын цогцолбор болон гаалийн хяналтын бүсэд хэсэгчилсэн байдлаар энэ сарын 10-наас дөрөвдүгээр сарын 1-н хүртэл онцгой дэглэм тогтоосон гэв.

Эрээн боомтын гаалийн баталгаат талбайд хуримтлагдаад байсан 985 чингэлгээс найм хоногийн хугацаанд 433 чингэлгийг татан авсан байна. Эхний өдөрт 23 чингэлгийг татаж авч байсан бол сүүлийн өдрүүдэд 60-65 болж нэмэгджээ. Үүнээс үзвэл ирэх 8-9 хоногт боомтод хуримтлагдсан бүх чингэлгийг татаж авч дуусгах тухай Шадар сайд танилцуулсан гэж тэд мэдээллээ.

Одоогоод Эрээн боомтод 600 чингэлэг ачаа бараа байгаа юм байна.