Хөл хорио тогтоохгүй гэж Засгийн газар үзжээ

2022-01-19 16:35:00

УОК-ын шуурхай штаб өчигдөр цахимаар хуралдсан. Энэ үеэр ЕБС, цэцэрлэгийн танхимаар хичээллэхийг 14 хоногоор сунгах эсэх, цахимаар хичээллэх асуудлыг хэлэлцсэн юм. Уг асуудлын өнөөдрийн Засгийн газрын хуралдаанаар ч мөн ярилцсан байна. УОК-ын эрдэмтдийн зөвлөлөөс өгсөн мэдээллээр нэгдүгээр сарын сүүлч, хоёрдугаар сарын эхэнд халдварын тархалт хамгийн өндөр түвшинд хүрэх тооцооллыг гаргажээ.

Тэгвэл Ерөнхий сайдын зүгээс ЭМЯ, БШУЯ, УОК саналаа нэгтгэж шийдэх долоо хоногийн хугацаатай үүргийг өглөө.

Монгол Улсын хувьд батлагдаж буй тохиолдлын 90-ээс дээш хувьд Омикрон хувилбар давамгайлж байна. Тиймээс хөл хорио тогтоох эсэх асуудал олон нийтийн анхаарлын төвд байгаа юм. Тэгвэл өнөөдрийн Засгийн газрын хуралдаанаар өнөөгийн нөхцөл байдалд хөл хорио тавих шаардлагагүй, аль нэг байгууллагаас ийм санал одоогоор ирээгүй гэж Ерөнхий сайдын хэвлэлийн төлөөлөгч Ч.Болортуяа мэдээллээ.