С.Амарсайхан: Айл өрхүүдийн цахилгааны хөнгөлөлтийг үргэлжлүүлэхээр Засгийн газрын түвшинд ярьж байна

2021-12-24 12:53:00

Өнгөрсөн жил манай улсад коронавирусийн халдвар тархсантай холбоотойгоор айл өрх, аж ахуйн нэгжүүдийн ус, цахилгаан, дулаан, хогны төлбөрийг энэ оныг дуустал төрөөс даахаар Засгийн газраас шийдвэрлэж байсан билээ.

2022 оны нэгдүгээр сараас эхлэн иргэд, аж ахуйн нэгжүүд төлбөрөө өөрсдөө төлөх юм. Тэгвэл айл өрхийн тог цахилгаантай холбоотой асуудлын тухайд орон сууцны айлуудыг 250 кВт хүртэл, гэр хорооллын өрхүүдийг 350 кВт хүртэл цаашид хөнгөлөх асуудлыг Засгийн газрын түвшинд ярьж байгаа гэдгийг Шадар сайд С.Амарсайхан Аюулгүйи байдал,  гадаад бодлогын байнгын хорооны хуралдааны үер мэдээлжээ.